Facebook Twitter youtube
Монголбанкны Эрдэнэсийн сан хэрхэн дурсгалын зоос бүтээдэг вэ?
2017-10-17 өдөр 01:58

ogodeiЭрдэнэсийн сан нь дурсгалын зоосны үйл ажиллагааг “Эрдэнэсийн сангийн тухай хууль”-ийн 16.2.2-т “Монгол Улсын болон олон улсын нийтлэг ач холбогдол бүхий тэмдэглэлт ой зэрэг онцгой чухал үйл явдлыг тохиолдуулан хууль тогтоомжийн дагуу үнэт металлаар дурсгалын зоос үйлдвэрлүүлэх” гэсэн заалтыг үндэслэн үйл ажиллагаагаа хэрэгжүүлэн ажиллаж байна. Эрдэнэсийн санг арвижуулах, дурсгалын зоосны төрлийг нэмэгдүүлэх, зоос сонирхогч иргэн байгууллагад худалдах чиглэлээр 2017 онд дараах чиглэлээр ажиллаа.

2017 оны Улсын Их Хурлын 17 дугаар тогтоолоор Эрдэнэсийн сангийн үндсэн сангийн орлого, үндсэн болон гүйлгээ, сангийн зарлагын төсвийг хэлэлцүүлэн батлуулсан бөгөөд төсвийн хүрээнд холбогдох ажлуудыг зохион байгуулж байна. Эдгээр ажлуудын нэг хэсэг болох Дурсгалын зоосны чиглэлээр хийгдэх төлөвлөгөөг Монголбанкны Захирлуудын зөвлөлийн хурлаар хэлэлцүүлж, Монголбанк өөрөө санаачилж болон байгууллагын захиалгаар 9 төрлийн зоосыг үйлдвэрлэн гаргаад байна.
Тодруулбал, 1911-2017 онуудад Монголын шашин төрийг хослон баригч төр засгийн удирдагчид болон Монгол Улсын Ерөнхийлөгч нарын дурсгалын зооснуудыг бүтээсэн болно. Үүнд, “Богд хаан”, “Занабазар”,“Их жанжин Д.Сүхбаатар”, “Маршал Х.Чойбалсан”, “Ю.Цэдэнбал” зоосыг Монголбанк өөрийн санаачлагчаар гаргасан бол Монгол Улсын Ерөнхийлөгчийн Тамгын газартай байгуулсан гэрээний дагуу “П.Очирбат”, “Н.Багабанди”, ”Н.Энхбаяр”, “Ц.Элбэгдорж” нарын дүр бүхий зэсийг мөнгөөр бүрсэн дурсгалын зоос, мөн нэн ховордсон амьтад цуврал сэдвээр “Монгол говийн баавгай Мазаалай” мөнгөн зоосыг тус тус үйлдвэрлэн 2018 онд худалдаанд гаргахад бэлэн болгосон болно.
Өнгөрсөн жилүүдэд Төр засгийн нэрт зүтгэлтэн Ю.Цэдэнбалын 110 жилийн ойд зориулсан дурсгалын мөнгөн зоос, I Богд Занабазар мөнгөн зоос цутгуулсан байна.
Монголбанкны Эрдэнэсийн сан 2018 оны үйл ажиллагааныхаа төлөвлөгөө, төсвийн төслийг УИХ-ын Эдийн засгийн байнгын хороонд хүргүүлээд байгаа бөгөөд ховор амьтад цувралаар Нохой жилд зориулж “Монгол банхар” дурсгалын зоосыг гаргахаар төлөвлөж байна.

Монголбанкны Олон нийтийн боловсрол мэдээллийн төв

Жич: Ю.Цэдэнбал болон Мазаалай зоосноос бусад бүх зоосны үзүүлэлтүүд ижил бөгөөд тайлбарыг дор сийрүүлэв.
Зоосны үзүүлэлт болон загвар:
Зоосны нэр 1: …………….
Худалдаанд гаргах он: 2018
Нэрлэсэн үнэ: 500 төгрөг
Металл: Мөнгөөр бүрсэн зэс зоос (өнгөт)
Жин: 50 гр
Диаметр: 50 мм
Цутгах хэмжээ: 500 ширхэг

 
Манай сайт танд таалагдаж байвал LIKE хийгээрэй. Танд баярлалаа.


Холбоотой мэдээ