Facebook Twitter youtube
Алтаар гоёсон хосууд‬
2016-02-19 өдөр 02:19

Orkhon naiz zaluuОлимпийн хошой аварга, дэлхийн аварга И.Ярыгиний нэрэмжит чөлөөт бөхийн “Алтан Гранпри” тэмцээн өчигдөр ОХУ-ын Красноярск хотод эхэлсэн. Тэмцээний эхний өдөр болсон эмэгтэйчүүдийн 58 кг-ын жинд П.Орхон Японы алдарт бөх Каори Ичог 10:0-оор хожиж, тус тэмцээнд түрүүлсэн. Энэ нь Монгол, Японп төдийгүй дэлхийгээр нэг шуугиан болж байна гэхэд хилсдэхгүй.
Японы алдарт бөх Каори Ичо Монголын бөх П.Орхонд ялагдсаны дараа Японы үндэсний шигшээ багийн захирал Казухито Сакаэ ярилцлага өгчээ. Тэрээр “Ичог ялагдсан тухай мэдээлэлд Японд дорхноо тархсан байна. Энэ тэмцээн олимпийн наадам байгаагүй нь бидний аз боллоо. Олимпийн наадам болтол тодорхой хугацаа байгаа болохоор зарим алдаа доголдлоо засах хугацаа бидэнд байна. Каори Ичо юу хийхээ мэдэж байгаа, алдаагаа засах чадвартай тамирчин гэдэгт би итгэж байгаа болохоор сэтгэл зовохгүй байна. Ичо 2007 онд Азийн аварга шалгаруулах тэмцээнд бүтэлгүйтсэнээс хойш Монголын тамирчин П.Орхонд хожигдох хүртлээ 108 барилдаанд дараалан ялалт байгуулаад байсан юм. Ер нь бол Швед улсад болдог “Клиппан хатагтай” олон улсын тэмцээнд 2003 оны гуравдугаар сард АНУ-ын бөх Сара МсМаннд ялагдсанаас хойш 189 барилдаанд дараалан ялалт байгуулаад байсан юм. ” гэж хэлжээ. Юутай ч  П.Орхон домогт Ичог ялан түрүүлсэн бол П.Орхоны найз залуу Н.Лхамгармаа Францын Гран прид босоо байж түрүүлжээ. О.Гүндэгмаа, Х.Цагаанбаатар, дасгалжуулагч Болдбаатар, Мөнхзаяа, Ням-Очир, Лхамдэгд гэхчлэн их спортоос төрсөн сайхан хосууд байдаг. Араас нь Н.Лхамгармаа, П.Орхон хоёр түүчээлэх төлөвтэй.

 
Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл бичих

Холбоотой мэдээ